KAMATI YA LISHE MANISPAA YA SHINYANGA YAWEKA MIKAKATI YA KUBORESHA UTOAJI LISHE

Posted on: May 5th, 2023

Na Shinyanga MC

Kamati ya Lishe katika Halmashauri ya Manispaa ya Shinyanga imeweka mikakati zaidi katika kuboresha

utekelezaji wa shughuki zake kwa Kata zote 17 za Manispaa ikiwa ni pamoja na kuongeza utoaji wa

elimu kwa umma, kusimamia zoezi la utoaji wa chakula mashuleni, kuanzisha vitalu vya mbogamboga

katika shule zote kwa ajili ya wanafunzi kula mchana pamoja na kutekeleza kwa vitendo Siku ya Afya na

Lishe ambayo itakuwa ikifanyika katika ngazi za Vijiji, Mitaa na Kata.

Akielezea mikakati hiyo, Mwenyekiti wa Kamati ya Lishe Manispaa ya Shinyanga Ndg. Jomaary Mrisho

Satura ambaye ndiye Mkurugenzi wa Manispaa aliwaeleza wajumbe kuwa ni muhimu sana kwa kila

mjumbe kwenda kuisimamia ajenda ya Lishe kwenye eneo lake kwa umakini, weledi na ubunifu zaidi,

usimamizi na ufuatiliaji wa ulimaji wa viazi lishe pamoja na mambo mengine ili lengo la kukabiliana na

tatizo la Lishe kwa Manispaa ya Shinyanga lifikiwe kwa asilimia 100.

"Twendeni tukasimamie mambo yote yanayohusu Lishe ikiwa ni pamoja na kuanzisha, kusimamia na

kuboresha vitalu vya mbogamboga katika kila shule, utoaji wa elimu ya Lishe uwe endelevu, utoaji wa

chakula kwa kila shule, upimaji wanafunzi ili kujuwa afya zao, kuhuisha taarifa zote na ifike wakati sasa

Manispaa ya Shinyanga iwe kama Duka ambalo lina kila kitu ambacho wengine wanapokuja kujifunza

kwetu kila kitu wakikute kipo vizuri na kwa usahihi," alisema Satura.

Awali akiwasilisha taarifa ya utekelezaji wa shughuli za Lishe kwa Manispaa ya Shinyanga kwa kipindi cha

robo ya pili 2022/2023 Afisa Afya na Lishe wa Manispaa Ndg. Amani Benson Mwakipesile alisema kuwa

Manispaa imetekeleza suala la kuhamasisha uzalishaji na unywaji wa maziwa ili kuboresha afya kwa

wananchi, kuhamasisha kilimo cha viazi lishe kayika Kata 1o kati 17 za Mansispaa.

Amani alisema kuwa, ukaguzi ulifanyika na unaendelea kufanyika katika Viwanda vyote kuhakikisha

kuwa kwenye kila uzalishaji wao wa vyakula kuna virutubisho vyote pamoja na madini joto, kuhakiki

Klabu za Afya Lishe na Mazingira katika Shule za Msingi zote, kubainisha watoto wote wenye utapiamlo

na kupatiwa matibabu, na umuhimumwa matone ya Viatmin A kwa chini ya watoto wenye umri chini ya