TAHADHARI YA UGONJWA WA VIRUSI VYA KORONA AWAMU YA TATU

Posted on: June 23rd, 2021

Mkurugenzi wa Halmashauri ya Shinyanga Geoffrey Mwangulumbi, leo asubuhi tarehe 23/06/2021 ameitisha kikao kifupi cha watumishi akiwatahadharisha juu ya wimbi la tatu la ugonjwa wa KORONA.

Alisema kwa  sasa Taifa liko katika awamu ya tatu ya maambukizi ya virusi vya korona, hivyo tahadhari kubwa inatakiwa kuchukuliwa na kila mtu kuanzia ngazi ya familia mpaka kitaifa.

Aidha Mkurugenzi alisisitiza uvaaji wa barakoa pamoja na kunawa mikono kwa maji tiririka na kupaka SANITISER mara kwa mara unapokuwa ofisini na nje ya ofisi pamoja na kutofanya mikusanyiko isiyo ya lazima

 Katika kutoa msisitizo huo, alisema tuwaelimishe watoto wetu majumbani pamoja na mashuleni kwani  Awamu ya tatu ya maambukizi ya virusi vya KORONA ni hatari zaidi ya maambukizi ya awamu ya kwanza na ya pili na inawaathiri watoto  tofauti na maambukizi ya awali ambapo watoto walikuwa salama.