MENEJIMENTI YA MANISPAA YA SHINYANGA YAWATAKA WAKANDARASI KUONGEZA KASI KATIKA MIRADI YA MAENDELEO.

Posted on: January 7th, 2025

Na. Shinyanga Mc

Manejimenti ya Halmashauri ya Manispaa ya Shinyanga ikiongozwa na Mwakilishi wa Mkurugenzi wa Manispaa ya shinyanga Ndg. Charles Luchagula ambaye ni mkuu wa kitengo cha Utamaduni Sanaaa na Michezo leo tarehe 7 Januari, 2025 imefanya ziara ya kukagu na kutembelea miradi ya Maendeleo inayoendelea kutekelezwa katika Manispaa ya Shinyanga.

Menejimenti imefanya ziara hiyo ya kukagua na kutembelea miradi ya maendelea kwa lengo la kuangalia ni hatua gani ujenzi umefikia katika miradi hii huku menejimenti ikiwataka wakandarasi kuongeza kasi ya ujenzi ili majengo yaanze kutumika.

“ Niwatake muongeze kasi ya ujenzi kwa kila hatua mliyofikia ili majengo yaanze kutumika kwa wakati ili wanafunzi waweze kusoma katika mazingira rafiki ukizingatia Rais wetu  Mhe. Dkt. Samia Suluhu Hassani amekwisha toa fedha nyingi kwa ajili ya kuboresha miundombinu mbalimbali katika sekta mbalimbali ikiwemo ya elimu.” Amesema Ndg. Charles Luchagula

Miradi ya Maendeleo ambayo Menejimenti imeweza kutembelea na kukagua ni  Ujenzi wa mabweni 4 shule ya sekondari Rajani, Ujenzi wa Sekondari mpya katika kata ya Kizumbi, ujenzi wa nyumba za Walimu katika shule ya sekondari butengwa, ujenzi wa madara 3 shule ya msingi ndala B.