WAANDISHI WASAIDIZI NA WAENDESHAJI WA VIFAA VYA BAYOMETRIKI WAPATIWA MAFUNZO YA UBORESHAJI WA DAFTARI LA KUDUMU LA WAPIGA KURA AWAMU II.

Posted on: April 29th, 2025

WAANDISHI WASAIDIZI NA WAENDESHAJI WA VIFAA VYA BAYOMETRIKI WAPATIWA MAFUNZO YA UBORESHAJI WA DAFTARI LA KUDUMU LA WAPIGA KURA AWAMU II.

Na. Jesca Kipingu

Waandishi Wasaidizi na Waendeshaji wa Vifaa vya Bayometriki wapatiwa mafunzo ya uboreshaji wa Daftari la kudumu la wapiga kura Awamu ya pili leo Marchi 28, 2025 katika ukumbi wa shule ya Maalum ya Buhangija iliopo Manispaa ya Shinyanga.

Akifungua mafunzo haya Afisa mwandikishaji Jimbo la shinyanga Mjini Mwl. Alexius Kagunze amewataka waandishi kuwa makini katika mafunzo haya kwakuwa baada ya mafunzo watakwenda kufanya kwa vitendo hivyo ni bora umakini uwepo ili kufanya kazi kwa waledi zaidi.

Awali waandishi Wasaidizi na Waendeshaji vifaa vya bayometriki walikula viapo vya aina mbili ikiwemo kiapo cha tamko la kijitoa katika vyama vya siasa na kiapo cha kutunza siri ambapo vyote hivyo viliongozwa na afisa Mwandikishaji Jimbo la shinyanga Mjini.

Pamoja na mambo mengine Mwl. Kagunze ametoa wito kwa waandishi kwenda kutunza vifaa vyote watakavyokabidhiwa na kuzingatia maelekezo yote yatakayotolewa na Afisa mwandikishaji na wasaidizi wake ili kuweza kufanya kazi kwa weledi.

Daftari la kudumu la Wapiga kura awamu ya pili litaanza rasmi tarehe 1-7 Mei 2025 ambapo jumla la vituo 25 vya kujiandikishia vitatumika katika Kata zote 17 za manispaa ya Shinyanga.