RC MNDEME AONGOZA MAADHIMISHO YA SIKU YA LISHE NA WIKI YA UNYONYESHAJI SHINYANGA

Posted on: August 5th, 2023

• RC MNDEME AONGOZA MAADHIMISHO YA SIKU YA LISHE MKOA WA SHINYANGA NA WIKI YA UNYONYESHAJI DUNIANI
  
  Mkuu wa Mkoa wa Shinyaga Mhe. Christina Mndeme Leo 5 Agosti, 2023 ameongoza maadhimisho ya siku ya lishe Mkoa wa Shinyaga na wiki ya unyonyeshaji duniani, ambapo maadhimisho hayo yalihudhuriwa na viongozi mbalimbali, watumishi pamoja na wanachi katika ofisi ya mtendaji wa kata ya ndala.
  
  Mhe. Mndeme awataka wazazi kwa ujumla kuzingatia lishe bora kwa watoto wao na wamama Wanaonyonyesha kuzingatia kumpa mtoto maziwa ya mama kwa miezi sita ya awali bila kumpatia chakula mbadala labda iwe imeshauriwa na daktari kwa sababu za kiafya kama vile kupatiwa dawa.
  
  "Niwatake wazazi wote kwa ujumla kuzingatia ulaji ya lishe bora kwa watoto lakini pia kwa mama anayenyonyesha mtoto ampatie maziwa ya mama tu kwa miezi sita ya awali bila kumchanganyia kitu chochote labda iwe ni ushauri kutoka kwa daktari" alisema Mhe. Mndeme
  
  Aidha,Mhe. Mndeme pia ameiasa jamii kuwapunguzia wamama kazi nzito wakati wa ujauzito na kipindi cha kunyonyesha ili kumjengea mama na mtoto afya bora, pia amewataka wazazi wa kiume wanapopata rikizo ya uzazi kwa ajili ya mtoto basi watumie kumsaidi mama kumlea mtoto na sio kufanya mambo mengine ambayo hayana faida kwa mtoto aliyezaliwa .
  
  Sanjali na hilo, Maadhimisho hayo yaliambatana na shughuli mbalimbali ikiwemo upimaji wa shindikizo la damu,upimaji wa uzito, upimaji wa urefu, elimu juu ya umuhimu wa maziwa ya mama kwa mtoto mchanga kwa miezi sita ya awali pamoja na namna ya kuandaa lishe bora kwa kuzingatia makundi 5 ya chakula.
  
  ifikambo 1 -7 Agosti ya kila mwaka dunia inaadhimisha wiki ya unyonyeshaji dunia, ambapo kwa mwaka huu wiki hii ya unyonyeshaji imeambatana na kauli mbiu isemayo
  "Saidia unyonyeshaji, wezesha wazazi kulea watoto na kufanya kazi zao za kila siku"