OPD MAABARA NA WODI KUJENGWA HOSPITALI YA KAMBARAGE

Posted on: September 27th, 2022

Halmashauri ya Manispaa ya Shinyanga imepokea fedha kwa ajili ya ujenzi wa Maabara, Wodi na OPD (Jengo la Kitengo cha Wagonjwa wa nje) katika Hospitali ya Kambarage iliyopo mjini Shinyanga.

Katika uzinduzi wa mradi huo, Mkurugenzi wa Manispaa, Dkt. Jomaary Satura, amesema uboreshaji wa miundombinu unaofanywa katika vituo vya afya umedhamiria kukuza ustawi wa wananchi.

"Tunaendelea kuboresha huduma katika hospitali ili kuwasaidia wagonjwa mbalimbali wanaofika hapa Kambarage.

Mkurugenzi wa Halmashauri ya Manispaa ya Shinyanga, Jomaary Satura akitoa maelekezo kwa wadau wakiwemo Wahandisi waliofika eneo la mradi.

"Lengo letu kubwa ni kukuza na kuboresha ustawi wa wananchi katika Manispaa ya Shinyanga ili wapate huduma bora", amesema.

Baadhi ya wanawake waliojitokeza kwenye uzinduzi wa mradi huo wakishiriki zoezi la kuchimba msingi.

Aidha, Dkt. Satura ameeleza mpaka kufikia mwezi Oktoba mwaka huu, Zahati tano zitakuwa zimeshakamilika kutokana na jitihada wanazozifanya..