MWL KAGUNZE AFANYA ZIARA YA KUKAGUA MAPOKEZI YA WANAFUNZI KIDATO CHA TANO

Posted on: August 14th, 2023

• MWL. KAGUNZA AFANYA ZIARA YA KUKAGUA MAPOKEZI YA WANAFUNZI KIDATO CHA TANO
  
  Na. Shinyanga Mc
  
  Mkurugenzi wa Halmashauri ya Manispaa ya Shinyanga leo tarehe 13 Agosti, 2023 amefanya ziara ya kukagua mapokezi ya wanafunzi wa kidato cha tano 2023 akiwa ameongozana na wataalam kutoka Manispaa.
  
  Mwl. Kagunze amefanya ziara hiyo kwa kutembelea shule ya wasichana butengwa na shule ya sekondari Old Shinyanga ambapo kote alikuta wanafunzi wameshawasili na wengine wakiendelea kuwasilia.
  
  "Nimefanya ziara hii kwa madhumuni ya kukagua na kuona mapokezi ya wanafunzi wa kidato cha tano mahudhurio sio mazuri sana lakini kwakuwa ndo wameanza jana kuwasili tunategemea mpaka wiki ijayo wanafunzi wote watakuwa wamefika” alisema Mwl. Kagunze
  
  Pamoka na mambo mengi Mwl. Kagunze pia alipata wasaa wa kukagua ujenzi wa miundombinu unaoendelea katika shule hizo na kuwataka mafundi waongeze kasi kukamilisha sehemu chache zilizobaki.
  
  Aidha, Mwl. Kagunze ametoa shukrani kwa Rais wa Jamhuri ya Muungano wa Tanzania Mhe. Dkt Samia Suluhu Hassan kwa kuendelea kuwezesha sekta zote hususani sekta ya elimu katika Manispaa ya Shinyanga.
  
  Tarehe 13 Agosti, 2023 ndio tarehe iyopangwa na serikali kwa wanafunzi wote wa kidato cha tano kuripoti katika shule walizopangiwa ambapo kwa Manispaa ya Shinyanga imepangiwa kuripoti wanafunzi wa kidato cha tano katika shule ya old shinyanga 430 na shule ya wasichana Shinyanga 94.