MKURUGENZI WA MANISPAA AWAPATIA VYETI VYA PONGEZI MAWAKALA WA USAFI WA MAZINGIRA.

Posted on: May 30th, 2024

Mkurugenzi wa Manispaa ya Shinyanga Mwl. Alexius Kagunze leo tarehe 30 Mei, 2024 amewapongeza mawakala wa usafi wa mazingira kwa kuwapa vyeti vya pongezi katika kuendelea kukusanya vizuri taka ngumu katika maeneo mbalimbali ya Manispaa na kuifanya Manispaa ya shinyanga kuendelea kuwa safi wakati wowote.

Ikumbukwe tarehe 9 Mei, 2024 Manispaa ya shinyanga ilitangazwa na Serikali kupitia Wizara ya Afya kuwa mshindi wa kwanza kitaifa katika Halmashauri za Manispaa katika mashindano ya afya na usafi wa mazingira ambao ni ushindi kwa mwaka wa pili mfulululizo yani 2022 na 2023.