KAMATI YA FEDHA NA UTAWALA YA MANISPAA YA SHINYANGA YAKAGUA MIRADI YA MAENDELEO

Posted on: July 22nd, 2023

KAMATI YA FEDHA NA UTAWALA YA MANISPAA YA SHINYANGA  YA KUKAGUA MIRADI YA MAENDELEO

NA. SHINYANGA MC

Kamati ya Fedha na Utawala ya Halmashauri ya Manispaa ya Shinyanga  ikiongozwa na Mstahiki Meya wa Manispaa Mhe. Elias Masumbuko leo tarehe 22 Julai, 2023 wametembelea na kukagua Miradi mbalimbali ya Maendeleo inayoendelea kutekelezwa katika Halmashauri ya Manispaa ya Shinyanga.

Miradi hiyo ni Pamoja na ujenzi na upanuzi wa miundombinu kwa kidato cha 5 katika shule ya sekondari Old Shinyanga,Ujenzi wa shule ya wasichana Shinyanga, Ujenzi wa jengo la dharura [EMD] katika hospitali ya Manispaa, Ujenzi wa Madarasa shule ya Msingi Ibadakuli na Ujenzi wa Jengo la Utawala Manispaa ya Shinyanga.

Lengo la ziara hiyo ni kuangalia hatua ipi imefikia ya utekelezaji wa Miradi Pamoja na kutilia nguvu palipokuwa na changamoto.