JUMUIKO LA WATUMISHI WA MANISPAA LAFANA

Posted on: August 7th, 2021

Jumuiko la watumishi wa Manispaa ya Shinyanga limefanyika Leo tarehe 07/08/2021 katika viwanja vya Mazingira Centre ambapo mambo kadhaa yameainishwa likiwemo suala la aliyekuwa Mkurugenzi wa Halmashauri ya Manispaa ya Shinyanga Kuwaaga Watumishi aliowaongoza kwa muda wa miaka mitano

Aidha Mkurugenzi aliyepita alikabidhiwa hati ya Pongezi kwa kuwa kiongozi mwenye maono na muibuaji wa miradi mbalimbali yenye tija katika Manispaa ya Shinyanga.

Idara mbalimbali zilimpongeza na kumpatia zawadi kemkem ikiwa ni ishara ya Upendo kwa Kiongozi wao ambae aligusa wengi kwa namna tofauti.

Mkurugenzi alionekana kuwa na furaha wakati wote alipokuwa akiwaaga Watumishi na Kuwaasa kuendelea kuchapa kazi,pia aliahidi kutoa ushirikiano wakati wote atakapohitajika kufanya hivyo.

Aidha Mstahiki Meya wa Manispaa ya Shinyanga, mh. Nkulila alipata fursa ya kumpongeza Mkurugenzi aliepita kwani anaifahamu vema kazi yake njema kwa muda wote toka alipoingia Manispaa ya Shinyanga mwaka 2016.

Mkurugenzi mpya wa Manispaa ya Shinyanga Ndg. Jomaari Mrisho Satura Ameahidi kuendeleza Mazuri aliyoyaacha Mwenzake ili kufikia lengo la kuifanya Manispaa ya Shinyanga kuwa Jiji

Mgeni Rasmi Katibu Tawala wa Mkoa wa Shinyanga, Amewataka watumishi kushikamana na kufanya kazi kwa Pamoja na kwa ushirikiano.  

Zawadi zilitolewa kwa Washindi walioshinda mashindano mbalimbali Kitaifa, Kimkoa na Kihalmashauri.

MATUKIO KATIKA PICHA

Kwaya ya Waalimu Ikitumbuiza siku ya Jumuiko

Viongozi wakiwa wamewasili tayari kwa Ufunguzi wa Jumuiko la Watumishi    

Watumishi na Wageni mbalimbali wakiwa wamewasili katika viwanja vya Mazingira Center

Ndugu Geoffrey Mwangulumbi akitoa neno la Shukrani kwa Watumishi na Viongozi Wakati wa Jumuiko la Watumishi 

Mwenyekiti wa Baraza la Watoto kutoka shule ya Sekondari Uhuru Tanzania akihutubia siku ya Jumuiko la Watumishi

Mvumbuzi wa Mashine ya Kukunia Nazi inayotumia Umeme ambayo ilishinda Kitaifa katika 

Mashindano ya Kitaifa ya Sayansi na Teknolojia (MAKISAT) akielezea uvumbuzi wake

Mshindi wa Miruko ya Juu (Long Jump) Kitaifa katika Mashindano ya UMISETA Akielezea namna alivyoshinda

na mahitaji yatakayomwezesha kutimiza ndoto zake

Tuzo zikitolewa kwa Washindi katika Mashindano mbalimbali