UZINDUZI WA MTARO WA MAJI WA KM5.22 KATIKA MTAA WA AZIMIO KATA YA LUBAGA

Posted on: July 20th, 2019

Wananchi wa mtaa wa azimio katika hali isiyokuwa ya kawaida wameshindwa kuvumilia kusubiri bajeti ya Serikali katika kuwatimizia kilio chao cha siku nyingi cha uhaba wa maji hatimaye wameamua kuungana pamoja kwa uzalendo wao wakishirikiana na ofisi ya mtendaji wa kata ya Lubaga Pamoja na Walezi wa kata ndg. Lenard Chepe na Boniphace Marago kujitolea kuchimba mtaro wa bomba la maji upatao km 5.22 ili waondokane na adha ya maji waliyokuwa nayo zaidi ya miaka 40.

  Uongozi wa Chama wilaya ya shinyanga -manispaa wakiongozwa na mheshimiwa mwenyekiti wa CCM. Abubakari GulamHafeez Mukadam Wakishirikiana katika zoezi hilo kwa kutoa hamasa kwa wananchi na kuunga mkono juhudi zao na kushiriki katika uchimbaji wa mtaro pamoja na kuwafuta jasho kwa kiasi cha sh 3,000,000/= (milioni tatu) kutoka ofisi ya mkurugenzi wa manispaa hali kadhalika ofisi ya mstahiki Meya iliahidi kuwafuta kwa kiasi cha sh.1,500,000/=(Milioni moja na laki tano). pia uongozi wa CCM kata ya Ndembezi iliahidi kutoa sh.100,000/= (laki moja) Ambapo sh 50,000/= (elfu hamsini) ilitangulizwa papo hapo.

  Aidha Mtendaji wa kata ya Lubaga Ndg Lucas Venance Nkelege Aliwashukuru wananchi na wadau walioshiriki katika zoezi hilo na kuomba wadau wazidi kujitokeza kuonyesha uzalendo na kuunga mkono juhudi za Wananchi wa Azimio,pia alimuomba Mwenyeketi (Mgeni rasmi) Pamoja na Mstahiki Meya kufanya harambee ndani ya Manispaa ikihusisha Chama cha Mapinduzi (CCM) ,ofisi ya Mkurugenzi na wadau wengine ili kiasi kitakacho patikana kiweze kutatua au kupunguza tatizo la maji ndani ya manispaa nzima ya Shinyanga na sio ndani ya lubaga tu.

  Harambee hiyo inatarajiwa kukusanya zaidi ya shilingi Milioni mia moja (100,000,000/=)

  Ofisi ya Afisa Mtendaji kati ya Lubaga inasema ‘’Shinyanga Manispaa tunaweza Maji ni haki ya kila mtu na Hatungoji bajeti ya serikali,tunatimiza sasa kuunga juhudi ya Serikali ya awamu ya tano ikiongozwa na Raisi wa Tanzania Mh. John Pombe Joseph Magufuli’’ 

  Kwa pamoja tuunge mkono harambee hii kubwa ya kihistoria ya maji katika Manispaa yetu ya Shinyanga.

MATUKIO KATIKA PICHA:

Wazee wawili wa mtaa wa Azimio walioleta hamasa ya uzalendo katika kujiletea maendeleo yao wenyewe

Mtendaji wa Kata ya Lubaga ambae amekuwa chachu kubwa katika utekelezaji wa shughuli za maendeleo

akitoa maelezo ya uchimbaji wa mtaro wa kupitishia bomba la maji katika mtaa wa Azimio

Wananchi wa Mtaa wa Azimio wakimsikiliza kwa Makini Mgeni Rasmi

Diwani wa kata ya Lubaga viti Maalum akieleza machache kuhusu mradi wa kuleta maji katika mtaa wa Azimio

Naibu Meya wa Manispaa ya Shinyanga akiunga mkono juhudi za wananchi kwa kuahidi kutoa sh.1,500,000/=

Mwenyekiti wa CCM Kata ya Ndembezi akiahidi kuunga mkono juhudi za wananchi kwa kutoa sh.100,000/=

Mgeni Rasmi akihutubia wananchi wa Mtaa wa Azimio

Mgeni rasmi akizindua Mtaro wa bomba la maji katika Mtaa wa Azimio

Mgeni rasmi akimtua ndoo mama ishara ya kuleta ufumbuzi wa maji katika Mtaa wa Azimio