RC MNDEME AZURU SHULE YA WASICHANA SHINYANGA, AAGIZA SPIDI YA UJENZI KUONGEZEKA

Posted on: March 16th, 2023

MKUU wa Mkoa wa Shinyanga, Mh. Christina Mndeme, Machi 15, 2023 amezuru katika Shule ya Wasichana Shinyanga inayojengwa Butengwa na Serikali ya Jamhuri ya Muungano wa Tanzania.

Mh. Mndeme ametembelea na kufanya Ukaguzi kuona namna mradi wa Shule hiyo unavyoenda, huku akipongeza kuwa ni mzuri na akitoa maagizo ya kuukamilisha kwa haraka.

Ameeleza ni vizuri mradi ukakamilika mapema ili watoto waweze kuripoti tayari kwa masomo ambayo ni haki yao ya msingi.

"Naomba mradi huu ukamilike kwa wakati, spindi iwe kubwa maana tunataka watoto wetu waanze kusoma.

"Mradi ni mzuri, na tunamshukuru Rais wetu, Mh. Dkt. Samia Suluhu Hassan kwa kutupatia fedha ambazo zinawezesha ujenzi huu."