RC MNDEME AONGOZA IBADA MAALUMU YA KUMUOMBEA RAIS MSTAAFU HAYATI ALHAJI ALLI HASSAN MWINYI MANISPAA YA SHINYANGA.

Posted on: March 4th, 2024

RC MNDEME AONGOZA IBADA MAALUMU YA KUMUOMBEA RAIS MSTAAFU HAYATI ALHAJI ALLI HASSAN MWINYI MANISPAA YA SHINYANGA.

Na. Shinyanga Mc

Mkuu wa Mkoa wa Shinyanga Mhe. Christina Mndeme leo tarehe 4 Marchi, 2024 ameongoza wananchi wa Manispaa ya Shinyanga kwenye ibada maalumu ya kumuombea Hayati Alhaji Alli Hassan Mwinyi Rais wa Awamu ya Pili wa Jamhuri ya Muungano wa Tanzania aliyefariki tarehe 29 Februari, 2024 na kuzikwa tarehe 2 Marchi, 2024 kijijini kwao Mangapwani Zanzibar.

Akizungumza katika ibada hiyo Mhe. Mndeme amewashukuru viongozi wote wa dini walioshiriki kwenye ibada pamoja na wananchi wote huku akiwasihi wananchi wote kwa ujumla kuendelea kumuombea Hayati Alhaji Alli Hassan Mwinyi pamoja na familia yake kwa ujumla na kuendelea kuishi katika yale mazuri aliyotuachi na kutufundisha.

“Niwaombe wananchi wote tuendelee kumuombea Hayati Alhaji Alli Hassan Mwinyi apumzike mahali pemapeponi, pamoja na kumuombe Rais wetu Mhe. Dkt Samia Suluhu hassani, familia na kumshukuru Mungu kwa ajili ya zawadi nzuri ya maisha yake hapa duniani.” amesema Mhe. Mndeme

Aidha, Mhe. Mndeme amewakaribisha wananchi wote kufika katika ofisi yake kwa ajili ya kusaini kitabu cha maombolezo katika kipindi hiki cha maombolezo ya siku 7.