RC MNDEME AFUNGA KILELE CHA MAONESHO YA NANENANE KANDA YA ZIWA MASHARIKI

Posted on: August 8th, 2023

• RC MNDEME AFUNGA KILELE CHA MAONESHO YA NANE NANE KANDA YA ZIWA MASHARIKI
  
  Na. Shinyanga Mc
  
  MKUU wa Mkoa wa Shinyanga Mhe. Christina Mndeme leo tarehe 8 Agosti, 2023 amefunga kilele cha maonesho ya nane nane kanda ya ziwa mashariki ambapo kilele hicho kilihudhuriwa na viongozi wa dini na serikali, wadau mbalimbali pamoja na wananchi katika viwanja vya nyakabindi Mkoani Simiyu.
  
  Katika kufunga kilele hicho cha maonesho Mhe. Mndeme aliweza kukagua na kutembelea vipando na mabanda ya maonesho ikiwemo vipando na banda la Halmashauri ya Manispaaya Shinyanga ambapo mabanda yote yalikuwa yamejumuisha bidhaa mbalimbali kutoka kwa wakulima, wajasiriamali pamoja na bidhaa kutoka taasisi za umma na binafsi
  
  “Nimetembelea mabanda mbalimbali pamoja na vipando kutoka tasisi mbalimbali hakika nimejifunza na kujionea mambo mengi mazuri, niwashauri wananchi wote kwa ujumla mambo tuliyojifunza tukayafanyie kazi majumbani kwetu” alisema Mhe. Mndeme
  
  Pamoja na mambo mengi Mhe. Mndeme amesisitiza kuwa ili Taifa letu liweze kupiga hatua kiuchumi lazima tuanze kwa kuwabadilisha watu wetu ki-fikra hasa vijana na wanawake wafanye kazi kwa bidii na maarifa ili kukuza uchumi wao na kuchangia maendeleo ya taifa letu.
  
  Mhe. Mndeme pia amewahimiza sana wananchi kulima, kupanda na kutumia zaidi mchicha aina ya URUSI, mboga ambayo inatajwa kuwa na virutubisho vingi na bora zaidi kwa afya ya wananchi.
  
  Maadhimisho ya Sikukuu ya Nanenane ya mwaka huu wa 2023 yamebeba Kauli Mbiu isemayo "Vijana na Wanawake ni Msingi Imara wa Mifumo Endelevu ya Chakula".