KONGAMANO/MAJADILIANO NA WATU MBALIMBALI KATIKA KUPINGA UNYANYASAJI NA UKATILI DHIDI YA WANAWAKE NA WATOTO KATIKA MAENEO YA MASOKO

Posted on: July 3rd, 2019

 Jumuiya ya Tawala  za Mitaa Tanzania (ALAT) kwa kushirikiana na  Shirika  la  Kimataifa la  Wanawake (UN-WOMEN)  imetekeleza Mradi    wa   Kutokomeza   Vitendo   vya    Unyanyasaji   na   Ukandamizaji   kwa Wanawake  na  Watoto  kwenye  maeneo  ya  masoko   katika Manispaa ya Shinyanga.  Mradi huu ni sehemu ya utekelezaji  wa  Mpango Kazi wa  Kitaifa  wa  Kutokomeza Ukatili  dhidi   ya  Wanawake na  Watoto (MTAKUWWA) wa mwaka 2017/18 - 2021/22.

  Kongamano hilo la majadililiano na watu  mbalimbali yakiwemo madhehebu ya Dini, watu  mashuhuri,  wanasiasa,  Kamati za Masoko,   wamiliki wa  Baa  na  Mahoteli limefanyika leo tarehe 03-07-2019 katika ukumbi wa Kalinjuna uliopo Manispaa ya Shinyanga

   Miongoni   mwa   malengo  ya   utekelezaji  wa   mradi,   huu ni  pamoja  na kutoa     elimu na  kushiriki kikamilifu katika kupinga  unyanyasaji  na  ukatili dhidi  ya wanawake na watoto katika  maeneo ya masoko ambapo wajumbe walitoa maoni mbalimbali

Ikiwa ni hatua ya kupinga ukatili huo.

    Aidha Mwenyekiti wa ALAT-Taifa ambae pia alikuwa mgeni rasmi katika kongamano hilo,Mstahiki Meya

GulamHafeez Mukadam alifungua kongamano hilo  kwa kuweka mkazo katika suala hilo la unyanyasaji na ukatili dhidi ya wanawake na Watoto huku akisistiza kuwepo kwa ushirikiano katika jamii na Upendo jambo ambalo litapunguza ukatili na unyanyasaji katika jamii.

      Kwa upande mwingine Katibu wa ALAT-Taifa ndg,Elirehema Moses Kaaya alisikitishwa na vitendo hivyo vya ukatili vinavyoendelea katika Mkoa wa Shinyanga na kuwasihi wajumbe kushikamana kwa pamoja ili kufikia lengo la mradi kwa ufanisi.

       Mwezeshaji Godwin Mongi wa Bright Jamii Initiative alizungumzia mada mbalimbali kama vile Ubaguzi na Ukatili,Sababu za ukatili wa kijinsia,Namna mbalimbali za ukatili wa kijinsia,Taasisi zinashughulikia masuala ya jinsia na mwisho akasikiliza maoni ya wajumbe waliokuwa wakijibu swali Kwanini ukatili wa kijinsia unaendelea?

       Mwezeshaji Mwajina Lipinga,ambae ni mratibu wa mpango kazi wa kuzuia ukatili wa kijinsia dhidi ya wanawake na Watoto alizungumzia mada ya maeneo ya utekelezaji wa mpango ambayo serikali imeainisha ktk kuhakikisha utokomezaji dhidi ya ukatili unafanikiwa.

       Mwisho wajumbe walitoa mapendekezo mbalimbali kwa kuainisha vyanzo vya rasirimali watu na rasirimali vitu ili kuendeleza mapambano dhidi ya ukatili na unyanyasaji wa wanawake na Watoto.

YAFUATAYO NI MATUKIO KATIKA PICHA

Padri akifanya maombi kabla ya kuanza kwa kongamano  la kupinga ukatili dhidi ya wanawake na watoto katika maeneo ya soko.

Mufti akiomba dua ili kongamano liende vizuri chini ya ulinzi wa Mwenyezi Mungu

Wajumbe katika kongamano la kupinga ukatili dhidi ya wanawake na watoto katika maeneo ya soko,Manispaa ya Shinyanga.

Mwezeshaji Godwin Mongi akiwasilisha Mada katika kongamano la kupinga ukatili dhidi ya wanawake na watoto.

Mwezeshaji Mwajina Lipinga akiwasilisha Mada katika kongamano la kupinga ukatili dhidi ya wanawake na watoto.

Mmoja wa wajumbe akichangia hoja 

 katika kongamano la kupinga ukatili dhidi ya wanawake na watoto.