KASI YA MAENDELEO SHINYANGA YAMKOSHA RC MHITA

Posted on: September 26th, 2025

KASI YA MAENDELEO SHINYANGA YAMKOSHA RC MHITA

Shule ya Sekondari ya Wasichana Shinyanga Kivutio kwa Miundombinu Bora

Barabara ya Mwawaza kutatua Kero ya Usafiri

Huduma Bora Sekta ya Afya Yasisitizwa

Mkuu wa Mkoa wa Shinyanga Mhe. Mboni Mhita amekoshwa na uwepo wa kasi kubwa ya ujenzi wa miradi ya Maendeleo katika Halmashauri ya Manispaa ya Shinyanga na Mkoa kwa ujumla.

Mhe. Mhita amebainisha hayo leo Septemba 26, 2025 wakati wa ziara yake ya kukagua miradi ya maendeleo inayotekelezwa katika Halmashauri ya Manispaa ya Shinyanga huku akiwaomba wananchi kutumia fursa za uwepo wa miradi hiyo kujiletea maendeleo.

"Leo hii katika Mkoa wa Shinyanga tumepokea fedha nyingi za miradi ya maendeleo, zaidi ya Tilioni moja zimeletwa na zinaendelea kutekeleza miradi mbalimbali ya maendeleo ikiwemo ujenzi wa uwanja wa ndege wa kisasa wa Shinyanga ambao unakwenda kuwa suluhisho na kivutio kwenye sekta ya usafirishaji wa anga, hii haijawahi kutokea Shinyanga."

Akiongea na walimu pamoja na wanafunzi wa Shule ya Sekondari ya wasichana Shinyanga, Mhe. Mhita amepongeza Serikali ya awamu ya sita inayoongozwa na Mhe. Dkt. Samia Suluhu Hassan kwa kukubali kujenga shule hiyo maalumu ya wasichana yenye mindombinu bora ya kujifunzia ambapo pia amewataka wanafunzi wa shule hiyo kuhakikisha wanasoma kwa bidii ili watimize malengo yao.

Akagua barabara ya Mwawaza inayojengwa kwa kiwango cha lami, Mhe. Mhita amemwagiza Mkandarasi anyejenga barabara hiyo kuhakikisha ujenzi wake unakamilika kwa wakati ili kuondoa kero kubwa iliyokuwa ikiwakabiri watumiaji wa barabara hiyo na wananchi wa Shinyanga kwa ujumla.

Mapema akiongea na watumishi wa Hospitali ya Rufaa ya Mkoa wa Shinyanga iliyopo Mwawaza Mkuu wa Mkoa amewataka watumishi hao kutoa huduma bora kwa wananchi kwani huduma bora ndio kipimo sahihi cha watumishi hao na Serikali kwa ujumla na si wingi wa miumdombinu iliyopo hapo.