DC MTATIRO AFUNGUA MAFUNZO KWA WENYEVITI WA VIJIJI,MITAA NA VITONGOJI HALMASHAURI YA MANISPAA YA SHINYANGA.

Posted on: January 28th, 2025

DC MTATIRO AFUNGUA MAFUNZO KWA WENYEVITI WA VIJIJI,MITAA NA VITONGOJI HALMASHAURI YA MANISPAA YA SHINYANGA.

Na: Shinyanga MC.

Mkuu wa Wilaya ya Shinyanga Wakili Julius S.Mtatiro amefungua mafunzo kwa Wenyeviti wa mitaa, vijiji,na vitongoji waliochaguliwa kupitia uchaguzi wa serikali za mitaa uliofanyika Novemba 27,2024.

Mafunzo haya yamefanyika leo Januari 28, 2025 Katika ukumbi wa mikutano Shule ya Msingi Buhangija Manispaa ya Shinyanga.

Akizungumza kwenye mafunzo haya Wakili Mtatiro amewataka viongozi hao kuwatumikia wananchi ikiwa ni pamoja na kutatua migogoro ya ardhi pamoja na kutatua kero mbalimbali zinazowakabiri.

“Mlijinadi kwenye kampeni zenu, wananchi wakaelewa sera zenu wakawachagua, haikuishia hapo mkaapa kwenye viapo vyenu mtakuwa waadilifu, mtawatumikia wananchi, agizo langu kwenu nendeni mkawatumikie Wananchi sawasawa na viapo na ahadi mlizowaahidi..” Amesema Wakili Mtatiro.

Kwa upande wake Mwenyekiti wa Wenyeviti Halmashauri ya Manispaa ya Shinyanga ambaye pia ni Mwenyekiti wa mtaa wa Mitimirefu Ndg. Nasoro Warioba amesema kwa umoja wao Wenyeviti watafanya kazi kwa kushirikiana kwa ukaribi sana kwa maslahi mapana ya maendeleo ya Halmashauri na Taifa kwa ujumla.

Wenyeviti hao wamepatiwa mafunzo mbalimbali ikiwemo namna ya kupambana na kuzuia Rushwa, Majukumu ya viongozi wa serikali za mitaa, maadili ya uongozi, Usimamizi wa Ardhi Katika mamlaka ya serikali za mitaa pamoja na usimamizi wa miradi shirikishi na utunzaji wa fedha.