ASKOFU WA JIMBO KATOLIKI SHINYANGA MHASHAMU SANGU, AMEJIANDIKISHA KWENYE DAFTARI LA WAPIGA KURA UCHAGUZI SERIKALI ZA MITAA 2024.

Posted on: October 20th, 2024

Askofu wa Jimbo Katoliki Shinyanga Mhashamu Liberatus Sangu, amejiandikisha kwenye daftari la wakazi kwa ajili ya kupiga kura katika uchaguzi wa Serikali za mitaa unaotarajiwa kufanyika Novemba 27 mwaka huu.

Askofu Sangu amejiandikisha ya leo Novemba 20,2024 kwenye kituo cha Shule ya Msingi Bugoyi (A) mtaa wa Mbuyuni kata ya Ndemebezi Manispaa ya Shinyanga, ikiwa ni siku ya mwisho .

Akizungumza mara baada ya kujiandikisha, Askofu Sangu amewasisitiza wananchi kujiandaa kikamilifu kutumia haki yao ya Kikatiba,kuwachagua viongozi wanaowataka kwa kujitokeza kwa wingi siku ya Uchaguzi, kuhu akitumia fursa hiyo kuwaomba wananchi kujiepusha na vitendo vya uvunjifu wa amani

Viogozi watakaochaguliwa kupitia uchaguzi huo wa Serikali za mitaa ni pamoja na Wenyeviti wa Mitaa, vijiji na vitongoji pamoja na wajumbe wao.